Muling nagdala ng karangalan sa bansa ang pole vaulter at UST alumnus na si EJ Obiena matapos niyang makamit ang silver medal sa pole vault finals ng 2023 World Athletics Championship sa Budapest, Hungary nitong Sabado (madaling araw ng Linggo sa Manila).

Ito ang kauna-unahang silver medal ng Pilipinas sa nasasabing torneo matapos niyang lagpasan ang taas na 6.0 meters. Matatandaang si Obiena din ang nakapagtala ng kauna-unahang bronze medal ng Pilipinas sa kaparehong torneo noong 2022.

Sinubukan niyang palakihin pa ang kalamangan ngunit bigo ang kanyang pagtangka sa pag-abot ng pinaangat na taas na 6.05 at 6.10 meters.

Samantala, parehas na napanalunan nina Chris Nilsen ng U.S. at Kurtis Marschall ng Australia ang bronze medal nang parehas silang makapagtala ng taas makapagtala 5.95 meters.

Dominante pa rin ang Swedish pole vaulter at World’s no. 1 Armand Duplantis nang kanyang makamit ang gintong medalya ng torneo matapos niyang lampasan ang 6.10 meters sa kanyang unang subok.

Patuloy ang paglaban ni Obiena sa larang ng pole vault pagka’t kasalukuyan niyang pinaghahandaan ang paparating na Asian Games sa Setyembre na gaganapin sa Huangzhou, China na kabilang na din sa kanyang paghahanda para sa 2024 Tokyo Olympics.