Sinimulan ng UST Golden Booters (1–0) ang kanilang kampanya sa isang nangangalampag na paraan pagkatapos nila idomina ang FEU Tamaraws (0–2) sa pamamagitan ng 7-0 na scoreline, Linggo ng hapon, sa UP Diliman Football Pitch.
Wala pang sampung minuto sa laro, tumungo agad sa kalamangan ang UST mula sa mabilis na pag-iisip ni Andrew Ramos dahil sa dropped ball ng goalkeeper ng FEU sa pang 9th na minuto. Sinegundahan naman ito ni Kyler Ken Escobar sa pag *goal *sa 33rd na minuto, isa sa tatlo niyang goal sa larong ito.
Si Escobar ang nakakuha ng bihirang hatrick o tatlong goals sa isang laro.
Sinubukan ng FEU hilain pabalik sa kanila ang laro pero hindi nagpatalo ang koponan mula sa España sa pamamagitan ng pangalawang goal ni Escobar – pangatlo para sa team — sa 66th na minuto mula sa patagong cross na nagpatibay sa bentahe laban sa mga Tamaraws.
Nagpatuloy ang pag-kontrol nila sa laro dahil sa pagkamit nila Escobar at Jan Patrick Baito ng goal sa loob ng dalawang minuto sa 75th at 76th minute na nakaangat sa Golden Booters sa limang goals.
Sa kabuuan, dalawa ang naiskor ni Baito, isa para kay Ramos, at isa rin kay Christian Lajot para pamunuan ang laro sa panig ng UST.
Kasalukuyang nakaupo ang UST na may isang panalo at nagtatangkang umangat pa ito sa grupo sa tapatan nila laban sa silver medalists ng UAAP Season 85 na Ateneo Blue Eagles, sa September 3, sa parehas na lugar.
Tatakbo ang tournament sa kanilang group stages hanggang September 30 habang ang playoffs ay di pa inaanunsyo sa oras ng pagsulat.
Comments
Loading comments...
Leave a Comment