Connect with us

Peripheral

Senate passes new anti-hazing bill

Senate Bill No. 1662, which seeks to amend the Anti-Hazing Law by strengthening existing measures and regulating other forms of initiation rites, was approved with 19 affirmative votes on Monday.

Published

on

Photo courtesy of Joseph Vida/Senate PRIB.

The Senate approved on Monday on the third and final reading a bill prohibiting hazing as a prerequisite for admission into a fraternity, sorority, or organization.

Senate Bill No. 1662, which seeks to amend Republic Act No. 8049 or the Anti-Hazing Law of 1995 by strengthening the existing measures and regulating other forms of initiation rites, was approved with 19 affirmative votes, no negative votes and no abstentions.

The bill defined hazing as “any physical or psychological suffering, harm or injury inflicted on a recruit, member, neophyte, or applicant for admission or continuing membership into the fraternity, sorority or organization.”

The existing law permits hazing during an initiation rite, provided that there is a written notice addressed to the school a week before the activity.

The House approved a counterpart bill on Jan. 22.

Sen. Panfilo Lacson, who sponsored the bill as chair of the Senate public order committee, said the amendments would now require organizations to submit an application to school authorities, with the initiation rites outlined seven days prior to the scheduled date.

School authorities should then supervise and report that no hazing was conducted in the initiation rites.

The bill penalizes with reclusion temporal or a fine of P1 million the officers and members of a fraternity, sorority, or organization who would participate in hazing rites.

The school would be held accountable and be fined P1 million if its officials failed to prevent hazing.

Lacson added that aside from rites in schools, the measure will also cover hazing activities in the Armed Forces of the Philippines, Philippine National Police, Philippine Military Academy, and Philippine National Police Academy.

The filing of the bill was prompted by the fatal hazing case of freshman law student Horacio Castillo III during the  initiation rites of the Aegis Juris Fraternity September last year.C.N. Dumaua

Comments

#TWPeripheral

Magulang ni Atio, nagagalak, nagagalit sa pagdinig ng kaso

Published

on

Kuha ni Angelika Ortega/TomasinoWeb

Magkahalong galak at galit ang naramdaman ng mga magulang ng nasawing miyembro ng Aegis Juris Fraternity na si Horacio “Atio” Castillo III sa unang araw ng pagdinig ng kaso sa Manila Regional Trial Court (RTC) Branch 20, Martes, ika-14 ng Agosto.

Ayon kay Carmina Castillo, ang ina ng napaslang na UST Civil Law freshman, lubos na nagpapasalamat ang kanilang pamilya nang humarap upang tumestigo si Marc Ventura laban sa iba pang mga kapwa-miyembrong akusado.

“We commend Marc na nagawa niya ‘yun para makamit natin ‘yung katotohanan at justice. We are very happy na he testified and he’s committed na sabihin kung ano yung totoo at ‘yung nangyari para hindi maulit ito,” hayag niya.

Dagdag naman ni Horacio Castillo Jr., ang ama ng 22-anyos na pinaslang umano sa hazing rites, “talagang malaking bagay ang paglabas ni Marc sa pagkakakilanlan ng mga may sala.”

“He felt sorry for the accused pero sabi niya ‘I have to do the right thing,’” pag-ulit ni Castillo Jr. sa salaysay ni Ventura.

Subalit, masakit pa rin para sa ina ni Atio ang sinapit nito kahit isang taon na ang nakalilipas.

“Masakit pa rin siya (ang mga testimonya) pag naririnig mo,” ani Carmina.

“Any moment gusto mo sila sakalin, murahin at sabihin: ‘Bakit hindi niyo dinala sa ospital? Eh ‘di sana hindi tayo nagkakasuhan, eh ‘di sana buhay pa yung anak ko,’” dagdag pa niya.

‘Already in tears’

Emosyonal nang humarap bilang testigo sa unang pagkakataon si Ventura, hayag ni Carmina.

“He was emotional to testify. Mahirap sa kanya kasi sabi niya pamilya na nga niya ‘brods’ niya but he has to tell the truth.” paliwanag pa niya.

“He was already in tears.”

Tikom naman ang bibig ng mga akusado, ayon kay Castillo Jr. sa isang pahayag sa TomasinoWeb.

“Well, the accused were there, they were quiet. They denied everything actually ang nagdeny naman eh yung lawyers eh pero the accused remained silent,” sabi ng ama.

Dumalo naman sa pagdinig ang lahat ng miyembrong sangkot na sila Arvin Balag, Ralph Trangia, Oliver John Audrey Onofre, Mhin Wei Chan, Axel Munro Hipe, Danielle Hans Matthew Rodrigo, Joshua Joriel Macabali, Marcelino Bagtang, Jose Miguel Salamat at Robin Ramos.

Noong Hulyo 14, umapela naman ng “not guilty” sa korte ang lahat ng sampung sangkot sa kaso sa kinakaharap nitong paglabag sa Anti-Hazing Act of 1995.

Sa isang resolusyong pinetsahan noong Hulyo 5, ibinasura ng Kagawaran ng Hustisya (DOJ) ang petisyon ng pamilya Castillo na muling panagutin si UST Civil Law Dean Nilo Divina.

Ayon pa sa DOJ, huli na nang makapaghabla ng petisyon ang mga Castillo laban kay Divina dahil 15 araw lamang matapos makapagbigay ng resibo. Mga ulat mula kay Angelika Ortega at Noemi Ann Perez

Comments

Continue Reading

Peripheral

Santos, nilagdaan ang pahayag ng pagsuporta sa SOGIE Equality Bill

Nilagdaan ni Francis Santos, pangulo ng UST Central Student Council, kasama ang anim pang presidente ng konseho ng iba’t ibang Katolikong eskuwelahan, ang isang pahayag ng pagsuporta sa Sexual Orientation and Gender Identity and Expression (SOGIE) Equality Bill.

Published

on

kiko santos
Kuha ni Alecsandra Go/TomasinoWeb

Nilagdaan ni Francis Santos, pangulo ng UST Central Student Council, kasama ang anim pang presidente ng konseho ng iba’t ibang Katolikong eskuwelahan, ang isang pahayag ng pagsuporta sa Sexual Orientation and Gender Identity and Expression (SOGIE) Equality Bill.

Nanawagan ang mga pangulo ng mga konseho sa pahayag na tapusin na ang pagtatalo sa Senado sa pagpasa ng batas na ito.

Hinimok din nila ang mga senador na ipasa ang SOGIE Equality Bill.

Ang SOGIE Equality Bill ay nasa interpelasyon pa rin sa Senado simula noong Disyembre ng 2016.

Nitong Hunyo, sinabi ng Presidente ng Senado na si Vicente Sotto III na may pag-asa ipasa ang batas na ito kung ang mga “kontrobersyal na kondisyon” na nakapaloob dito ay maayos.

Ayon sa pahayag, ang SOGIE Equality Bill ay isang “mahalagang batas na pumuprotekta sa karapatan at kapakanan ng mga miyembro ng LGBT (Lesbian, Gay, Bisexual, Transgender).”

Dagdag pa rito, iginiit ng mga pangulo na dapat nang sumulong ang lipunan sa pagkakapantay-pantay ngayon.

Inilabas ang pahayag noong Martes, ika-7 ng Agosto.

Kasama ni Santos sa pagpirma ng pahayag sila Reycel Hyacenth Bendaña ng Ateneo de Manila University; Mikee de Vega ng De La Salle University-Manila; Yhan Lumdang ng De La Salle- College of St. Benilde; Charlene Yanes ng Miriam College; Denise Elayda ng St. Scholastica’s College-Manila; at Arapat Mustapha ng San Beda University.

Noong Abril, kasagsagan ng halalan sa Unibersidad, naghayag ng suporta si Santos sa pagtatag ng isang LGBT na organisasyon sa Unibersidad.

Gayunman, inatasan ng ibang mga opisyal ng UST ‘di umano ang mga organisasyon ng Unibersidad noong Hunyo na tanggalin ang mga inilathala sa social media tungkol sa komunidad ng LGBT+.

Sa 198-0 na boto, ipinasa naman ng mga mambabatas sa House of Representatives ang SOGIE Equality Bill, Septiyembre noong nakaraang taon. R. D. M.

Comments

Continue Reading

Peripheral

‘Walang nangyayari sa paglaganap ng wikang Filipino’ —Almario

Iginiit ng Pambansang Alagad ng Sining sa Panitikan noong Huwebes, ika-2 ng Agosto, na walang usad ang paglaganap ng wikang pambansa sa Pilipinas.

Published

on

Iginiit ng Pambansang Alagad ng Sining sa Panitikan noong Huwebes, ika-2 ng Agosto, na walang usad ang paglaganap ng wikang pambansa sa Pilipinas.

Isa sa dahilan nito ay ang kakulangan sa plano ng mga institusyon na pangwika, sabi ni Virgilio Almario sa kaniyang State of the Language Address (SOLA) sa unang araw ng Kongreso sa Wika 2018.

“Walang nangyayari sa pagpapalaganap ng wika dahil walang plano ang mga ahensyang pangwika,” ani Almario, ang tagapangulo ng Komisyon sa Wikang Filipino (KWF).

Ikinumpara rin niya ang dating pamunuan na “bantulot na sundin ang utos ng konstitusyon” sa kasalukuyang lupon na “kauna-unahang nagtratrabaho sa pagkilala ng mga wikang katutubo ng bansa.”

Sa SOLA inilalahad ang mga balak na proyektong isakatuparan at mga matagumpay na hakbanging sinulong ng komisyon sa nakalipas na taon.

Dagdag pa niya, dahil sa kawalan ng mga plano na ito, nahihirapan ipakilala ang mga katutubong-salita at ang unti-unting pagsama ng mga salitang ito sa bernakular na wika.

Inihayag din ni Almario na kulang sa kurikulum ng Filipino at ang pagkiling ng mga akademikong institusyon sa paggamit ng Ingles bilang midyum sa pagtuturo kaya’t hindi umuunlad ang wika, lalo na sa larangan ng saliksik.

Walang mga librong nakasulat sa Filipino na makatutulong sana sa pagdadalubhasa at pagsasaliksik sa mga larangang teknikal, sabi pa niya.

“Paano natin maituturo ang Medicine, Abogasya at Engineering sa Filipino? Kailangan gumawa ng mga aklat tungkol sa mga kursong ito gamit ang wikang Filipino,” ani Almario.

Ibinigyang-diin din niya na kakarampot ang badyet na inilalaan ng pamahalaan sa mga proyekto ng komisyon.

Hinamon din ni Almario ang mga guro na maging dalubhasa sa pagtuturo ng wika.

“Kayong mga guro sa Filipino ay mga taliba ng wikang Filipino, kayo ang naka-kalat sa buong Pilipinas upang magpalaganap ng wikang Filipino; kung ‘di kayo kahanga-hanga, hindi kayo paniniwalaan.”

Ang Kongreso sa Wika, na may temang “Adyenda sa Pagbuo ng Gramatika ng Wikang Pambansa,” ay ginanap mula ika-2 hanggang ika-4 ng Agosto sa Gusaling Albertus Magnus ng Unibersidad.

Nilayon ng kumperensiya na masimulan ang talakayan tungkol sa paglahok ng katangian ng iba’t ibang wika sa Filipinas sa gramatika ng wikang Pambansa.

Kabilang sa mga dumalo sa kongreso ay ang mga administrador ng Unibersidad, mga puno at guro ng Kagawaran ng Filipino, lupon ng mga komisyoner ng KWF, mga iskolar at mga manunulat mula sa iba’t ibang lugar sa bansa. R. A.

Comments

Continue Reading

Trending