Connect with us

News

3,000 estudyante ng high school, sinalubong nang ‘di pumasok sa Arch of the Centuries

Sa kauna-unahang pagkakataon, hindi pumasok ng makasaysayang Arch of the Centuries ang estudyanteng freshmen ng UST Education High School (EHS), Junior High School (JHS) at Senior High School (SHS) bilang pagsalubong, taliwas sa taunan na pagpasok dito.

Published

on

senior high school parade
Kuha ni Alexa Taay/TomasinoWeb.

Sa kauna-unahang pagkakataon, hindi pumasok ng makasaysayang Arch of the Centuries ang estudyanteng freshmen ng UST Education High School (EHS), Junior High School (JHS) at Senior High School (SHS) bilang pagsalubong, taliwas sa taunan na pagpasok dito.

Ang Welcome Walk ng mga Tomasino ay isang tradisyon para sa freshmen na nagsimula noong 2002 kung saan pumapasok sa arko ang mga mag-aaral.

Iginiit ng Pangkalahatang-Kalihim ng Unibersidad na si Rev. Fr. Jesus Miranda, Jr., O.P. na mayroon pang ibang paraan ng pagsalubong sa mga bagong estudyante bukod sa pagpasok sa arko.

“Ang pagsalubong sa mga estudyante papasok ng Unibersidad ay hindi kaagad nangangahulugang pagpasok sa Arch of the Centuries[.] Marami pang ibang paraan upang salubungin ang mga estudyante…maliban sa pagpasok sa Arch of the Centuries,” winika ni Miranda sa isang eksklusibong online na panayam ng TomasinoWeb.

Dinagdag niya: “Ang kinagawiang pagdaan sa [arko] at iba pang mga tradisyon ay para sa kolehiyo.”

Sa nakaraang taon, nagsabay na pumasok sa arko ang freshmen na mag-aaral ng JHS at EHS noong ika-2 ng Agosto samantalang sinabayan naman ng SHS ang mga estudyante ng kolehiyo noong ika-4 ng parehong buwan.

Idinaos, sa halip, ang isang seremonya ng pag-ilaw ng mga kandila sa pagsalubong na programang pinamagatang “ALAB 2018.”

Mahigit 3,000 na estudyante ng SHS ang dumalo sa salubong na nagmarka ng simula ng kanilang buhay bilang isang Tomasino ngayong taon.

Bukod dito, tinatayang 90 na mag-aaral ng EHS ang sumabay sa salubong. Humigit-kumulang 450 naman sa JHS.

Sa ALAB, nagkaroon muna ng orientation ang mga estudyante bago ang ipinalit na seremonya sa pagpasok sa arko, kung saan kaakibat ang pagsumpa sa “Oath of Commitment” na pinangunahan ng mga presidente ng bawat konseho ng EHS, JHS at SHS. Nagdaos ng misa pagkatapos.

Sandaling naantala naman ang simula ng programa dahil sa malakas na buhos ng ulan ng umagang iyon.

Ang pagsalubong sa mga estudyante ng EHS, JHS at SHS ng Unibersidad ay nakadepende sa nais nila at maaari pang mag-iba sa mga susunod na taon, ani Miranda.

Sinabi ni Miranda, gayunpaman, na hindi pa pinal ang desisyon kung ang ganitong programa, na siyang kapalit ng pagdaan sa arko, ay magpapatuloy o hindi sa mga susunod na taon.

Ang seremonya ng pagsindi ng kandila ay pinangunahan nila Rev. Fr. Ermito G. De Sagon, O.P., ang regent ng SHS; Fr. George Pe Mung, O.P., assistant regent ng SHS; at ni Fr. Rodel S. Cansancio, O.P., ang regent ng JHS.

‘A rite of passage’

Ang programa sa pagsalubong sa mga high school freshmen ay hindi ordinaryo ngunit isang “rite of passage,” ayon kay Rev. Fr. Pablo Tiong, O.P., ang Vice-Rector for Religious Affairs ng Unibersidad.

“Hindi lamang ito isang parada. Ito ay ‘rite of passage’ na nagmamarka ng mahalagang pangyayari habang ating ginagampanan ang kalooban ng Diyos. Itong paaralan ninyo, ito ay parte ng mas malaking bahagi ng buhay, isang biyaheng tutupad sa kalooban ng Diyos,” sinabi ni Tiong sa misa para sa freshmen ng high school.

Pinaalalahanan din niya na ang buhay ng mga estudyante bilang mga Tomasino ay “pang-araw-araw na laban para sa katotohanan.”

“Ang buhay Tomasino ay pang araw-araw na laban para sa katotohanan. Tayo ay nag-aaral ng mabuti upang mamuhay para sa katotohanan,” winika ni Tiong.

“Ang buhay Tomasino ay biyahe para sa katotohanan, panatilihin ninyong nagliliyab ang katotohanan sa inyong mga puso,” dinagdag niya.

Ginanap ang ALAB sa UST Quadricentennial Pavilion kaninang umaga, Huwebes, ika-2 ng Agosto.

Samantala, gaganapin sa ika-3 ng Agosto, ang orientation ng mga freshmen sa kolehiyo na pinamagatang “ROARientation.” Welcome Walk naman sa Agosto 6.

Kabilang sa Basic Education ang mga estudyante mula sa EHS, JHS at SHS. B. Laforga & J. A. Pangilinan

Comments

#TWNews

UST, nanguna sa OT board, pumangalawa sa PT board

Published

on

Kuha ni Abbie Vinluan/TomasinoWeb.

Nanguna ang Unibersidad sa occupational therapist (OT) board examination at pumangalawa sa licensure exam para sa mga physical therapist (PT) nitong nagdaang Agosto.

Nagtala ng 97.18-porsiyentong passing rate ang UST sa OT board, kung saan 69 sa 71 na Tomasino na kumuha nito ang nakapasa.

Mas mataas ito sa 94.37-porsiyentong passing rate na nakuha noong nakaraang taon.

Sampung Tomasino ang nakapasok sa listahan ng mga nakakuha ng matataas na marka sa pagsusulit.

Pinangunahan ni Coleen Reyes Perez ang mga bagong Tomasinong occupational therapist pagkatapos makuha ang ikatlong puwesto. Nakakamit siya ng 83.20-porsiyentong passing rate.

Ika-apat sina Maria Daniella Custodio at Christine Anne Factoriza Habulan na nakakuha ng markang 83 porsiyento.

Nasa ika-anim na puwesto si Phoebe Kay Co Chan na nagkamit ng markang 82.40 na porsiyento.

Ikapito naman sila Marie Antoinette Jimenez, Dominique Danielle Ong at Aaron Jan Versoza na nakakuha ng 82.20 porsiyento.

Ikawalo si Kassandra Claude Carrascal na nakapagtala ng 82 na porsiyento.

Nasa ikasiyam na puwesto si Alyanna Kate Santamaria na nakakuha ng markang 81.80 porsiyento.

Pangsampu naman si Andree Alexis Nebrada na nakakuha ng 81.60 porsiyento.

Samantala, nagtala ng 94.23-porsiyentong passing rate ang UST sa PT board exam.

Kapansin-pansing mas mababa ito sa marka ng Unibersidad noong isang taon na 98.97-porsiyentong passing rate.

98 sa 104 na Tomasinong kumuha ng pagsusulit ang nakapasa sa naturang pagsusulit.

Ayon sa Professional Regulation Commission, 209 sa 307 ang nakapasa sa OT board exam at 931 naman sa PT licensure exam na 1,379 ang kumuha ng pagsusulit. R. Alvaro

Comments

Continue Reading

Breaking News

Viray, tanggal sa UST matapos ang panibagong reklamo

Opisyal nang tinanggal sa listahan ng mga mag-aaral ng Unibersidad si Kyle Viray, dating estudyante ng Kolehiyo ng Agham, kasunod ang pagsampa ng reklamo ng isa pang biktima laban sa kaniya.

Published

on

gil morales
Kuha ni Jester Ramos/TomasinoWeb (kaliwa), larawan mula sa Twitter ni Gil Morales (kanan).

MULA SA PATNUGOT: Sa kahilingan ng biktima, hindi ilalabas ng TomasinoWeb ang ilang sensitibong detalye ng kaso.

Opisyal nang tinanggal sa listahan ng mga mag-aaral ng Unibersidad si Kyle Viray, dating estudyante ng Kolehiyo ng Agham, kasunod ang pagsampa ng reklamo ng isa pang biktima laban sa kaniya.

Napatunayan muli na nilabag ni Viray ang Student Code of Conduct and Discipline ng UST sa panibagong kaso na inihain ni Gil Nicole Morales na nagtapos ng Accountancy sa Unibersidad nitong Hulyo.

Sa resolusyon ng Student Welfare and Development Board ng UST Office for Student Affairs (OSA) noong ika-7 ng Agosto na nakuha ng TomasinoWeb, nakasaad na hindi na rin maaaring magmatrikula si Viray sa kahit anong kurso sa Unibersidad.

Bukod dito, hindi mabibigyan ng Certificate of Good Moral Character si Viray.

NAGBABAGA: Ayon sa isang resolusyong nilagdaan noong ika-7 ng Agosto, hindi na kasama si Kyle Viray ng College of…

TomasinoWebさんの投稿 2018年8月13日月曜日

Sa eksklusibong panayam ng TomasinoWeb kay Morales, sinabi niya na lubos siyang nagagalak dahil sa pagkatanggal ni Viray sa UST.

“I feel relieved already because the proper sanction was already given and I hope that we can all learn from this and be aware that domestic abuse is not a joke, it can damage one’s self-esteem. I just hope nobody will have to experience this again,” ani Morales.

“I feel really happy [na] because it took me a lot of time and courage to speak out but it was all worth it,” dagdag niya.

Ayon sa resolusyon, ilang beses nagkaroon ng away sa pagitan nina Morales at Viray mula Agosto hanggang Setyembre noong nakaraang taon, kung saan mayroong mga pagkakataong sinasaktan at tila pinapahiya ni Viray si Morales.

Sa counter-affidavit ni Viray na nakasulat sa resolusyon, kaniyang itinanggi ang mga alegasyon ni Morales laban sa kaniya. Si Morales, aniya, ang lumapit sa kaniya sa kabila ng kaniyang pagtanggi dahil siya ay may kasintahan pa noong mga araw na iyon.

Kaniya ring sinabi sa kaniyang counter-affidavit, ayon sa resolusyon, na ang pagsampa ni Morales ng reklamo ay dahil lamang sa kagustuhan niyang makisali sa mga kontrobersya laban sa kaniya.

Binigyang-diin din sa resolusyon ng OSA na nagkaroon ng relasyon sina Morales at Viray dahil sa isinumiteng Move-In Clearance ni Morales sa kabila ng pagtatanggi ni Viray sa kaniyang counter-affidavit.

Binanggit pa na binigyan ng kaluwagan si Viray sa naunang reklamong isinampa ni Diane Arcena laban sa kaniya dahil magtatapos na mag-aaral sa Unibersidad si Viray sa kaniyang kurso.

Nauna na nagsampa ng parehong reklamo laban kay Viray ang kaniyang dating kaklase at naging-kasintahan na si Arcena.

Hinatulan ng 250 na oras sa community service at pagtanggal sa solemn investiture rites si Viray pagkatapos unang mapatunayang nilabag niya ang Student Code sa isinampang kaso ni Arcena.

Noong Hulyo 15, inihayag ni Morales sa Twitter ang “pag-abuso” ni Viray sa kaniya.

Gabi bago ang paglathala ni Morales sa Twitter, ibinunyag ni Arcena ang “pang-aabuso” ni Viray.

BASAHIN: Biology student ‘physically, emotionally abused’

Ang kasong isinampa ni Morales laban kay Viray ay hinawakan ng OSA dahil magkaiba ng kinabibilangang kolehiyo ng dalawa. John Aaron Pangilinan, may mga ulat mula kay Angelika Ortega

 

Comments

Continue Reading

News

Unang araw ng klase, sinalubong ng protesta

Sinalubong ang unang araw ng klase ng isang kilos-protestang pinangunahan ng mga progresibong grupo ng ibang mga Tomasino sa harap ng Gate 11 ng Unibersidad, Huwebes, ika-9 ng Agosto.

Published

on

protesta
Kuha ni Alexa Taay/TomasinoWeb.

Sinalubong ang unang araw ng klase ng isang kilos-protestang pinangunahan ng mga progresibong grupo ng ibang mga Tomasino sa harap ng Gate 11 ng Unibersidad, Huwebes, ika-9 ng Agosto.

Ayon sa pahayag ni Dindo Roxas ng grupong League of Filipino Students-UST, isinagawa ang nasabing protesta upang ipanawagan na tuloy-tuloy pa rin ang pagkilos ng mga Tomasino.

“Tuloy-tuloy yung paglaban nila dahil hindi naman nawawalan ng problema. Nawalan man ng klase pero hindi nawawala yung problemang dala ng estado,” ani Roxas sa isang panayam sa TomasinoWeb.

Binigyang-diin din niya ang “demokratikong karapatan” ng mga estudyante, kung saan kaniyang tinukoy ang isyu sa enrollment conforme at “academic freedom.”

“Yung pagkilos ngayong unang araw ay pagrerehistro siya na lumalaban ang mga Tomasino,” aniya.

Gayunpaman, “malugod na tinanggap” ng mga grupo ang balitang bukas ang rektor ng Unibersidad na si Fr. Herminio Dagohoy, O.P. sa pagsusuri ng Student Code of Conduct and Discipline ng Unibersidad.

Umani ng batikos sa internet ang enrollment conforme ng Unibersidad na naglalaman ng mga probisyon ng Student Code of Conduct and Discipline pagkatapos inilagay sa MyUSTe student portal ng mga estudyante.

Ang pagkilos na ito ay ‘di umano pawang sapilitang pagpapasang-ayon ng UST sa mga estudyante sa nasabing enrollment conforme.

Comments

Continue Reading

Trending