Connect with us

Peripheral

Mga Tomasino, kinondena ang ‘marahas’ na dispersal ng mga manggagawa ng NutriAsia

“Wakasan ang kontraktwalisasyon at itigil ang pasismo.” Ito ang panawagan ng ilang mag-aaral mula sa mga progresibong grupo ng Unibersidad sa isinagawang “Black Friday Protest” sa UST Gate 2 ngayong Biyernes, ika-3 ng Agosto, kasunod ang “marahas” na dispersal ng mga manggagawa ng NutriAsia.

Published

on

mga estudyanteng nagpoprotesta
Kuha ni Miguel Yap/TomasinoWeb.

“Wakasan ang kontraktwalisasyon at itigil ang pasismo.”

Ito ang panawagan ng ilang mag-aaral mula sa mga progresibong grupo ng Unibersidad sa isinagawang “Black Friday Protest” sa UST Gate 2 ngayong Biyernes, ika-3 ng Agosto, kasunod ang “marahas” na dispersal ng mga manggagawa ng NutriAsia.

Humantong ang dispersal sa pagkaaresto ng 19 na tao, na kinabilangan ng ilang trabahador, estudyante at miyembro ng media.

Inihayag ni Ronel Reyes, ang tagapagsalita ng Anakbayan ng UST Senior High School, na ang naging tugon sa mga nagpipiket sa Marilao, Bulacan ay “sagot ng pasistang gobyerno sa mga maralitang mapayapang ipinaglalaban ang kanilang karapatan.”

“Ang pulis ay ginagamit bilang instrumento ng paggamit ng dahas ng estado laban sa mga mamamayang ang tanging hiling ay gawin silang regular,” ani Reyes sa isang panayam sa TomasinoWeb.

Dagdag ni Reyes na ang inilabas na Kautusang Tagapagpaganap Blg. 51 ay “walang pangil” sapagkat inuulit lamang daw nito ang nakasaad sa kasalukuyang labor code ng bansa.

“Ipinangako ni [Presidente Rodrigo] Duterte noong nangangampanya pa lang siya na wawakasan niya ang ‘endo’ pero itong [executive] order ay walang pangil,” giniit ni Reyes.

“Ito ay laban sa ilegal na kontraktwalisasyon, hindi sa mismong kontraktwalisasyon kaya nalilinlang pa rin ng mga ganid na kapitalista ang mga mamamayan,” aniya.

Iprinoklama ng Malacañang noong Mayo na ang nasabing kautusang tagapagpaganap, na tumatalakay umano laban sa kontraktwalisasyon, ay ang katuparan ng Presidente sa kaniyang pangako na wakasan ang “endo.”

Ayon naman kay Dindo Roxas ng League of Filipino Students ng UST, sa indignation protest, nagsasanib puwersa ang pamahalaan at mga kapitalista sa patuloy na pananamantala sa mga maralitang manggagagawa.

“Pinoprotektahan ng pamahalaan ang interes ng mga kapitalista at naghaharing uri na lubusang pinahihirapan ang mga mamamayan,” aniya.

“Walang intensyong masama ang mga manggagawa, hangad lamang nila ang pantay at maayos na pasahod,” sabi pa ni Roxas.

 

Pag-boycott sa produkto

Hinikayat din ng mga grupo na huwag tangkilikin ang mga produkto o serbisyo ng mga kompanyang nagbibigay ng hindi makataong sahod sa kanilang mga empleyado.

“May kongkretong epekto ang pag-boycott sa mga kompanya dahil nagbibigay ito ng mensahe hindi lamang sa gobyerno pati na rin sa lahat ng Pilipino na hindi nararapat ang ganitong sistema,” winika ni Reyes.

Kamakailan lamang ay nag-viral ang “#BoycottNutriAsia” sa social media na naglalayong itigil ang pagtangkilik sa mga produktong likha ng NutriAsia at gamitin ang ibang alternatibong kasangkapan.

Humiling naman ng “pagiging pantay at pagdinig sa lahat ng panig” ang NutriAsia sa isang inilabas nitong pahayag bilang tugon sa apelang pag-boycott.

Pinabulaanan din ng NutriAsia na ang tauhan sa seguridad nito, kasama ang kapulisan, ang nag-udyok upang humantong sa isang “bayolenteng pag-disperse” ng protesta.

“Isang baril ang pumutok sa ere at nagsimulang maghagis ng mga bato at ginawa lamang ng mga pulis at gwardya ang tungkuling panatilihin ang kaayusan at kapayapaan,” sinabi ng NutriAsia sa hiwalay na pahayag noong ika-30 ng Hulyo.

Ilan sa mga grupo tulad ng National Union of Journalists of the Philippines, Kilusang Mayo Uno, Karapatan, Komisyon ng Karapatang Pantao at ang tanggapan ng Bise Presidente ang kumondena sa naturang insidente.

Dalawang buwan nang nag-po-protesta ang mga manggagawa, taga-suporta at iba-ibang grupo laban sa kompanya.

Comments

Peripheral

Atio’s parents hopeful as trial continues

With “strong” evidence paired with the assembly of a “good” prosecution team, parents of the slain UST Civil Law freshman Horacio “Atio” Castillo III remained hopeful that justice will be served for their son as the hearing of the case continued on Tuesday, Sep. 4.

Published

on

Photo by Robert Lionel Garcia/TomasinoWeb.

With “strong” evidence paired with the assembly of a “good” prosecution team, parents of the slain UST Civil Law freshman Horacio “Atio” Castillo III remained hopeful that justice will be served for their son as the hearing of the case continued on Tuesday, Sep. 4.

“Pinakamalakas na ebidensya [is] me discovering our son dead, na meron siyang tama sa braso. Indication na ‘yan ng hazing,” Carmina Castillo, mother of the 22-year old alleged hazing victim, told the reporters.

The parents also lauded the prosecution for assembling a “strong and great team” fighting for Atio.

“With a lot of people na tumutulong naman. We are very happy and we’re very glad na nakita n’yo naman ang gagaling nung prosecution. They assembled a very good team to fight for Atio,” Horacio Castillo Jr., Atio’s father, said.

They, moreover, believed that there would be “perfect conviction” of the accused.

“And talagang sigurado ako perfect conviction. Even those na hindi pa nandon, yung idadagdag pang mga tao perfect conviction pa rin ang kalalabasan,” Carmina said.

‘A piece of wooden trash’

One of the evidence presented during the hearing was the paddle which was allegedly used to hit Atio.

It was “painful” to see the evidence, particularly the paddle, Atio’s mother expressed.

“Mas masakit na makita namin yung paddle, and you know for Aegis Juris (AJ), for them, [it is their] crowning glory. But to us, it’s a piece of wooden trash na ginamit nila sa pagpatay sa anak namin,” Carmina said.

According to hazing suspect-turned-state witness Marc Ventura’s affidavit filed on Oct. 24 last year, Atio received a total of five hits from the paddle, where the fifth strike resulted in Atio’s collapse.

Carmina also claimed that the accused waited for Atio to die, saying AJ members “didn’t do anything when their son was getting weak.”

“I will stress hinintay nilang mamatay. Mahina na ‘yung anak ko, nanghihina na, wala pa rin silang ginawa. Talagang the purpose was to wait for him to die,” she said.

Aside from presentation of evidence, AJ member Ventura stood in today’s hearing for his cross-examination.

In the first hearing last Aug. 14, Ventura appeared before the court and testified against the fraternity.

Meanwhile, all 10 accused AJ members were present in today’s hearing, namely: Arvin Balag, Ralph Trangia, Oliver John Audrey Onofre, Mhin Wei Chan, Axel Munro Hipe, Danielle Hans Matthew Rodrigo, Joshua Joriel Macabali, Marcelino Bagtang, Jose Miguel Salamat and Robin Ramos.

Last July 24, the accused pleaded “not guilty” in the violation of the Anti-Hazing Act of 1995. (READ: Aegis Juris fratmen plead not guilty to hazing charges)

The hearing was conducted at the Manila Regional Trial Court Branch 20. With reports from Angelika Ortega

Comments

Continue Reading

Peripheral

Ikalawang bersyon ng NSH, Straw HelpDesk, inilunsad

Inilunsad ng Student’s Rights and Welfare (Straw) ng bansa ang ikalawang edisyon ng National Student’s Handbook (NSH) at ang Straw HelpDesk, Martes, ika-14 ng Agosto.

Published

on

peripheral

Inilunsad ng Student’s Rights and Welfare (Straw) ng bansa ang ikalawang edisyon ng National Student’s Handbook (NSH) at ang Straw HelpDesk, Martes, ika-14 ng Agosto.

Layong protektahan ng mga nasabing proyekto ang mga mag-aaral laban sa pang-aabuso ng kanilang mga karapatan.

Nakatala sa NSH ang mga karapatan ng bawat mag-aaral at ang mga batas na kayang prumutekta sa kanila mula sa mga natatampok na mga isyu tulad ng pagtaas ng matrikula, hazing at kalayaan sa pagpapahayag.

Bagamat halos katulad pa rin ng naunang bersyon ng NSH, ilan sa mga kalakip ng bagong bersyon ay mga impormasyon ukol sa karapatan ng bawat mag-aaral na bumuo ng organisasyon, sa kalidad na edukasyon at laban sa diskriminasyon.

Upang masigurado na magiging inklusibo ang nilalaman ng NSH sa lahat ng Pilipino, binabalak na ng organisasyon na maglabas din ng bersyon na nakalathala sa iba’t ibang diyalekto.

“In terms of NSH sa iba’t ibang dialects at iba’t ibang languages, we’re looking for partners that could help us. Since we’re just starting, our volunteers are not that much,” wika ni Foronda sa TomasinoWeb.

“In terms of reaching provinces, far-flung areas and remote areas in the Philippines, we’re looking for partners as well [such as councils and organizations] para ma-reach ‘yun,” dagdag niya.

Bukod sa pagpaalam sa mga mag-aaral ng kanilang mga karapatan, maaring dinggin ang kanilang mga hinaing sa opisyal na Facebook page ng Straw PH at ni Senator Risa Hontiveros.

Si Senador Hontiveros ang nanguna sa pagsampa ng Straw Bill noong 2016. Hanggang ngayon, nakabinbin pa rin ito sa komite. Cielo Erikah Mae Cinco, may mga ulat mula kay Rabin Bote

Comments

Continue Reading

Peripheral

Magulang ni Atio nagagalak, nagagalit sa pagdinig ng kaso

Magkahalong galak at galit ang naramdaman ng mga magulang ng nasawing miyembro ng Aegis Juris Fraternity na si Horacio Castillo III sa unang araw ng pagdinig ng kaso sa Manila Regional Trial Court (RTC) Branch 20, ika-14 ng Agosto.

Published

on

Kuha ni Angelika Ortega/TomasinoWeb

Magkahalong galak at galit ang naramdaman ng mga magulang ng nasawing miyembro ng Aegis Juris Fraternity na si Horacio “Atio” Castillo III sa unang araw ng pagdinig ng kaso sa Manila Regional Trial Court (RTC) Branch 20, Martes, ika-14 ng Agosto.

Ayon kay Carmina Castillo, ang ina ng napaslang na UST Civil Law freshman, lubos na nagpapasalamat ang kanilang pamilya nang humarap upang tumestigo si Marc Ventura laban sa iba pang mga kapwa-miyembrong akusado.

“We commend Marc na nagawa niya ‘yun para makamit natin ‘yung katotohanan at justice. We are very happy na he testified and he’s committed na sabihin kung ano yung totoo at ‘yung nangyari para hindi maulit ito,” hayag niya.

Dagdag naman ni Horacio Castillo Jr., ang ama ng 22-anyos na pinaslang umano sa hazing rites, “talagang malaking bagay ang paglabas ni Marc sa pagkakakilanlan ng mga may sala.”

“He felt sorry for the accused pero sabi niya ‘I have to do the right thing,’” pag-ulit ni Castillo Jr. sa salaysay ni Ventura 

Subalit, masakit pa rin para sa ina ni Atio ang sinapit nito kahit isang taon na ang nakalilipas.

“Masakit pa rin siya (ang mga testimonya) pag naririnig mo,” ani Carmina.

“Any moment gusto mo sila sakalin, murahin at sabihin: ‘Bakit hindi niyo dinala sa ospital? Eh ‘di sana hindi tayo nagkakasuhan, eh ‘di sana buhay pa yung anak ko,’” dagdag pa niya.

‘Already in tears’

Emosyonal nang humarap bilang testigo sa unang pagkakataon si Ventura, hayag ni Carmina.

“He was emotional to testify. Mahirap sa kanya kasi sabi niya pamilya na nga niya ‘brods’ niya but he has to tell the truth.” paliwanag pa niya.

“He was already in tears.”

Tikom naman ang bibig ng mga akusado, ayon kay Castillo Jr. sa isang pahayag sa TomasinoWeb.

“Well, the accused were there, they were quiet. They denied everything actually ang nagdeny naman eh yung lawyers eh pero the accused remained silent,” sabi ng ama.

Dumalo naman sa pagdinig ang lahat ng miyembrong sangkot na sila Arvin Balag, Ralph Trangia, Oliver John Audrey Onofre, Mhin Wei Chan, Axel Munro Hipe, Danielle Hans Matthew Rodrigo, Joshua Joriel Macabali, Marcelino Bagtang, Jose Miguel Salamat at Robin Ramos.

Noong Hulyo 24, umapela naman ng “not guilty” sa korte ang lahat ng sampung sangkot sa kaso sa kinakaharap nitong paglabag sa Anti-Hazing Act of 1995.

Sa isang resolusyong pinetsahan noong Hulyo 5, ibinasura ng Kagawaran ng Hustisya (DOJ) ang petisyon ng pamilya Castillo na muling panagutin si UST Civil Law Dean Nilo Divina.

Ayon pa sa DOJ, huli na nang makapaghabla ng petisyon ang mga Castillo laban kay Divina dahil 15 araw lamang matapos makapagbigay ng resibo. Mga ulat mula kay Angelika Ortega at Noemi Ann Perez

Comments

Continue Reading

Trending